K�rfuknattleiksf�lag �safjar�ar - Fr�ttir

Vi� bi�jumst afs�kunar.

Fri, 03 Sep 2010 12:54:00 +0000

Við hjá KFÍ viljum biðjast afsökunar á hlaupa á okkur með dagsetningu Powerade leiks okkar gegn Stjörnunni. Rétti tími var miðvikudagurinn 15. september. En Stjörnumenn og KKÍ eru höfðingjar og breyttu leiknum fram á fimmtudagskvöld til að koma til móts við óskir okkar. Við þökkum kærlega fyrir okkur :)

Og þess vegna verður leikur okkar gegn Stjörnunni fimmtudaginn 16 september í Ásgarði, Garðabæ.

Við hvetjum sem flesta til að mæta á leikinn og sjá góðan körfubolta !!

Forvitnilegt t�mabil a� hefjast.

Thu, 02 Sep 2010 13:34:00 +0000

Það er óhætt að segja að nýjir og ferskir vindar fari um Jakann þessa dagana. Ný þjálfari BJ Aldridge kemur með allt annað módel af æfingum og er gríðarlegur agi krafa af hans hálfu og á það við um alla sem æfa og keppa fyrir félagið. Æft er sjö sinnum í viku og þrjá daga þeirra tvisvar á dag kl. 06.45.

Það var erfitt fyrir elstu iðkendurnar að byrja fyrstu æfingarnar og voru margir þeirra algjörlega búin á því. En þetta er að venjast og bros að færast yfir andlit þeirra. Það er víst aldrei of klént að segja að ,,æfing skapar meistarann" og ef félög ætla að ná langt og skapa afreksfólk þá verður einhverju að fórna.

Annars er það að frétta að helgina 11-12 sept förum við suður með meistaraflokk og keppum við þrjú félög og látum við vita hér á síðunni og á facebook svæðinu hvar þeir verða. Síðan er Powerade bikarkeppnin gegn Stjörnunni fimmtudagskvöldið 16. september í Ásgarði og helgin eftir það fer í keppni einnig í Valsmótinu. Síðan er stefnt á Greyfamótið á Akureyri helgina 24-26 september.

KF� og UMFB � g��u samstarfi � vetur

Tue, 31 Aug 2010 12:51:00 +0000

KFÍ hefur undanfarin ár haft æfingar í samstarfi við UMFB og hefur það starf verið farsælt. Áframhald verður á því í vetur og munu krakkarnir héðan æfa með krökkunum úr Bolungarvík og öfugt, en þau keppa undir nafni KFÍ. Allar nánari upplýsingar varðandi yngri flokkana er hægt að fá hjá Guðna Ó. Guðnasyni á gudnig@vis.is og hér á síðunni undir skrár og skjöl og einnig á umfb.is

UMFB og KFÍ verða einnig í samstarfi um að vera með meistaraflokk karla sem mun keppa undir merkjum UMFB í vetur. Liðið hefur verið skráð til leiks í 2. deild og mun keppa þar. Heimaleikir verða spilaðir í Bolungarvík og eru æfingar að hefjast þessa dagana.

Ljóst er að það eru fjölmargir á norðanverðum Vestfjörðum sem hafa brennandi áhuga á körfubolta og hefur vantað fleiri úrræði fyrir þessa aðila til þess að stunda íþróttina í skipulögðu starfi. Það hafði tíðkast að vera með Vestfjarðadeild í körfuknattleik og er það von UMFB og KFÍ að fleiri lið spretti upp í framtíðinni svo hægt verði að mynda slíka deild á ný.

Þjálfarar liðsins verða Guðjón Þorsteinsson og Shiran Þórisson

Til loka ágúst verða æfingar Mánudaga, Miðvikdaga og Fimmtudaga frá kl 18.30-19.30 í íþróttahúsinu í Bolungarvík.

Nánari upplýsingar veita Guðjón Þorsteinsson kfibasketball(hjá)gmail.com og Shiran Þórisson á shiran.thorisson(hjá)gmail.com.

Nánari upplýsingar er að finna á umfb.is.

�tr�legt �hugaleysi

Mon, 30 Aug 2010 19:38:00 +0000

Okkur á kfi.is finnst ótrulegt að ekki skuli vera sýnt frá heimsmeistaramótinu í körfubolta. Þarna eru 24 lið að keppa og þar á meðal eru Spánn, Serbía, Þýskaland, Bandaríki N-Ameríku og leikirnir til þess hafa verið alveg magnaðir og mörg óvænt úrslit.

Það er hægt að sjá leikina beint á netinu á opinberri heimasíðu HM gegn vægu gjaldi en einnig bendum við á umfjallanir karfan.is og frá bræðrum okkar í Hnífsdal á Fúsíjama TV af mótinu.

Það eru rosalega margir að kaupa þetta af netinu og er það ágætt, en að sama skapi gefum við ekki mikið fyrir að fjölmiðlar sinni þessu ekki !

183 lönd sýna þetta í beinni

En ekki á Íslandi ????

Yngri flokka starfi� a� hefjast

Sun, 29 Aug 2010 18:47:00 +0000

Æfingar hefjast hjá yngri flokkum KFÍ skv. æfingatöflu mánudaginn 30. águst. Á hlekknum hér má finna æfingatöfluna. Allir flokkar byrja skv. dagsrká nema minnibolti yngri sem mun byrja mánudaginn 5. september.

F�s�jama TV

Mon, 23 Aug 2010 14:25:00 +0000

Í dag er sannkallaður hátíðisdagur fyrir íslenska körfuboltaaðdáendur en í morgun fór í loftið hinn frjálsi og óháði íþróttamiðill Fúsíjama TV.

Fúsíjama TV er frjáls og óháður íþróttamiðill og er fjölmiðlaangi Fúsíjama Group sem einnig rekur Fúsíjama BCI körfuboltastórveldið. Fúsíjama Group og öll undirfélög þess hafa höfuðstöðvar sínar í hjarta Vestfjarða, Hnífsdal.

Fúsíjama TV var stofnað í byrjun 21. aldarinnar með það að markmiði að vera ósvífin áróðursmaskína stórveldisins. Hefur það gengið eftir með þeim árangri að félagið er orðið heimsfrægt í Japan.

Síðunni er haldið uppi af þremur pennum sem eiga það allir sameiginlegt að vera miklir besserwisserar og hafa aldrei rangt fyrir sér. Þá hafa þeir allir á einum tíma eða öðrum spilað með KFÍ. Skrif þeirra einblína á NBA körfuboltann en aldrei að vita nema eitthvað verði ritað um íslenska körfuboltann. Fúsíjama TV færir svo lesendum sínum öll heitustu körfuboltavídjóin og að sjálfsögðu erum við svo með facebook síðu sem verður reglulega uppfærð. Einnig er að finna á síðunni gríðarmikinn gagnabanka frá fyrrum skrifum ritstjórnar.

Nú þegar aðeins nokkrir dagar eru í HM í körfubolta mun Fúsíjama TV fjalla um hvern riðil fyrir sig fram að mótinu sem hefst 28. ágúst. Þá verður umfjöllun um mótið eftir hvern dag þar sem farið er yfir úrslit dagsins, stöðu í riðlinum og komandi leiki.

�fingar komnar � fulla fer�.

Tue, 17 Aug 2010 20:33:00 +0000

Það er vel tekið á því á æfingum hjá BJ þjálfara. Hjá honum er nauðsynlegt "að hlusta og læra og læra að hlusta" ! Strákarnir eru uppfullir af áhuga og voru 17 strákar mættir í dag.

Carl, Daði og Ari mættu í gær og hlupu strax inn á völlinn. Craig, Edin og Darco eru væntanlegir seinna í mánuðnum og er mikil tilhlökkun hjá öllum að takast á við verkefnið í vetur.

Æft er alla virka daga frá 17.15 til 19.30 og á laugardögum frá 13.00-15.00.

Þeir sem vilja horfa á æfingar er bent á að fara upp á svalir og eru allir velkomnir. Umgangur um salinn er óviðkomandi (þ.e. ef þú ert ekki þjálfari eða leikmaður) stranglega bannaður á meðan æfingum stendur.

Meistaraflokkur Kvenna KF�

Mon, 09 Aug 2010 10:17:00 +0000

KFÍ mun eftir nokkurra ára hlé senda til keppni meistaraflokk kvenna. Liðið mun leika í 2. deild kvenna og munu kunn andlit úr fyrri meistaraflokkum kvenna ásamt ungum og efnilegum stúlkum úr yngri flokkum KFÍ skipa liðið. Þjálfari liðsins verður Panche Ilievski.

Síðast var meistaraflokkur kvenna hjá félaginu árið 2005. Þá endaði liðið í þriðja sæti í deildinni og var þjálfari liðsins Tom Hull. Hlekkur á tölfræði liðsins árið 2005 er að finna hér og stöðuna í deildinni það árið er að finna hér.

Það var mikil hefð fyrir kvennakörfunni hjá KFÍ á árunum 1995-2005 og var stemmingin sem skapaðist í kringum leiki liðsins gríðarlega góð. Það er von KFÍ að slík stemming myndist á ný.

KFÍ fagnar þessari endurvakningu í kvennakörfunni og lítur á þetta sem mikilvægan hlekk í að auka það félagsstarf sem er í boði á vegum KFÍ. Frekari frétta um liðsskipan er að vænta fljótlega.

Edin Suljic � lei� til �safjar�ar.

Mon, 02 Aug 2010 21:58:00 +0000

Enn bætist í föngulegan hóp KFÍ. Til liðs er að koma Edin Suljic. Hann er 203 cm á hæð og var að ljúka skólavist í Eastern Illinois University. Edin er upprunarlega frá Bosníu en fluttist til BNA 2001 og spilaði í "high school" áður en hann fluttist til Ellsworth Community College og fór þaðan til EIU þar sem hann spilaði með góðum árangri.

Við bjóðum Edin velkominn í KFÍ.

Hér má finna myndband af kappanum.

Carl Josey � lei� til �safjar�ar.

Mon, 02 Aug 2010 21:40:00 +0000

KFÍ hefur gert samning við dreng frá Englandi um að spila hér í vetur. Hann er 192 cm á hæð og spilar stöðu lítils framherja (3) Hann hefur spilað um nokkurra ára skeið í BNA og lauk skólavist í vor. Hann hlakkar mikið til að koma og taka þátt í að gera félagið vel samkeppnishæft. Hér er viðtal sem tekið var við Carl í vor

Við bjóðum Carl velkominn í KFÍ.