Yfirþjálfari Körfuboltabúða KFÍ er Finnur Freyr Stefánsson. Finnur tók við starfi yfirþjálfara yngri flokka KR árið 2010. Finnur er að búa til sterka flokka í KR og var á dögunum að gera minnibolta drengja að Íslandsmeisturum.  Hann hefur verið lykilmaður í þjálfun yngri flokka KR til margra ára og er mikill styrkur fyrir Körfuboltabúðirnar að hafa hann innanborðs enda viðurkenndur sem einn allra öflugasti sérþjálfari landsins. Margir af þeim ungu leikmönnum sem nú fara að stíga sín fyrstu skref með meistaraflokksliði KR hafa vaxið og dafnað undir handleiðslu Finns. Finnur tók við þjálfun meistarflokks kvenna hjá KR í fyrra og var aðstoðarþjálfari karlaliðsins fram á vor, en er nú tekinn við sem aðalþjálfari karlaliðsins fyrir tímabilið 2013-14.

Kjartan Atli Kjartansson er á leið í æfingabúðir KFÍ í fyrsta sinn en hefur verið að þjálfa frá árinu 2005 er hann þjálfaði hjá Stjörnunni auk þess að spila með meistaraflokk félagsins. Hann stofnaði körfuknattleiksdeild Áltanes árið 2007 þá 17 ára gamall og þjálfaði þar í tvö ár. 2011 tók Kjartan við þjálfun hjá Fsu og tók þar eitt ár áður en hann kom aftur til Stjörnunnar 2012 og þjálfaði mfl.kv, 7.flokk og mb 11.ára og náði mjög góðum árangri. Kjarri hefur unnið Íslandsmeitaratitil með tveim liðum og náð öðru sæti á Scania Cup. Kjarri er líflegur og skemmtielgur þjálfari sem smitar út frá sér með gleði. Við bjóðum Kjarra velkominn í hópinn.

Nemanja Jovanovic kemur frá Serbíu upprunarlega og var þar meðal annars leikmaður í unglingaliði Red Star frá Belgrad og síðan leikmaður BC Kolubara Lazarevac. Hann hefur þjálfað í Serbíu, Spáni og Danmörku og var í vetur aðstoðarþjálfari 79ers Denmark. Hann er aðstoðarþjálfari u-16 landsliðs Danmerkur og var í fyrra einnig aðstoðarþjálfari u-18 ára landsliðsins. Hann hefur unnið til margra verðlauna sem þjálfari yngri liða í Serbíu og á Spáni og var meðal annars valinn þjálfari ársins hjá BC Kolubara Lazarevac á Spáni.

Hann er með mikla reynslu í að halda þjálfaranámskeið og hefur flutt marga fyrirlestra meðal annars á Spáni, Litháen og Svíþjóð. 

Nemanja fær meðmæli frá þjálfurum eins og Darko Rajakovic frá Tulsa NBA-D. Við fögnum komu hans í æfingabúðirnar sem eru með hverjum degi að vera meira spennandi fyrir iðkendur og þjálfara sem vilja læra meira.

Arnar Guðjónsson er einn af okkar allra efnilegustu þjálfurum. Hann hefur með miklum dugnaði náð góðum árangri á ferli sínum og verið aðalþjálfari hjá Aabyhoj í efstu deildinni í Danmörku.  Arnar byrjaði sinn þjálfunarferil hjá Sindra 2005-2007.  2007-2009 var hann aðstoðarþjálfari Fsu, 2009-2011 varð hann aðstoðarþjálfari Aabyhoj og 2011 tók hann við sem aðalþjálfari liðsins auk þess að vera aðstoðarþjálfari U-18 ára landsliðs Ísland.  Arnar er núna þjálfari U15 landsliðs Íslands. Þetta er í annað skiptið sem Arnar kemur í æfingabúðirnar en hann var hér í fyrra við góðan orstýr.

Borce Ilievski þarf vart að kynna fyrir áhugamönnum um körfu. Hann var þjálfari unglingalandsliða Makedóníu og kom til KFÍ sem þjálfari og starfaði hér í fimm ár áður en hann hélt til Tindastóls. Borce stýrði meistaraflokkum Breiðablik við góðan orðstýr í vetur ásamt því að þjálfa yngri flokka félagsins og skrifaði á dögunum undir nýjan tveggja ára samning við félagið.

Borce er vel að sér í körfuboltaæfingabúðum og hefur unnið við fjölda þeirra í Evrópu og er það mikl ánægja að fá hann hingað til starfa. Borce kom að körfuboltabúðum KFÍ í upphafi og á sinn þátt í velgegni okkar á þessum vettvangi

Eric er 26 ára gamall og er þjálfari Fsu. Hann spilaði sem atvinnumaður í Englandi, Þýskalandi og í Ástralíu. Hann hefur verið að vinna við körfuboltabúðir í Englandi, Grikklandi og í BNA og einnig hefur hann þjálfað í Ástralíu og hjá Sun Walley community collage.

Eric gerði góða hluti með Fsu bæði hjá meistaraflokk og hjá akadeíunni og var núna nýlega að skrifa undir nýjan samning hjá þeim á Selfossi. Eric er góð viðbót í þjálfarateymið.

Geoff Kotila er núverandi þjálfari FOG Næstved í dönsku úrvalsdeildinni. Hann þjálfaði Snæfell fyrir nokkrum árum og gerði þá að bikarmeisturum. Hann hóf ferill sinn sem leikmaður í skólum í heimalandi sínu en hann er fæddur og uppalinn í Michigan fylki í Bandaríkjunum.  Hann lék með Michigan Tech skólanum og útskrifaðist þaðan árið 1982.  Hann hóf þjálfun árið 1983 við sama skóla eftir að hann hætti keppni sem leikmaður í körfuknattleik.  Hann er því núna á 28. ári sínu sem þjálfari og kominn með reynslubanka sem gefur bestu seðlabönkum ekkert eftir hvað varðar innistæður.  Geof var tekinn inn í Frægðarhöll Michigan Tech skólans árið 2002 sem er mikill heiður en kemur þeim sem þekkja til vinnubragða hans ekki á óvart.